1-عضويتك تبقي بأسم محترم و ابن حلال و يا ريت تكون بالعربي الفصيح مفيش خواجات معانا هنا علشان بسلامتك تحطلى أسم بالأنجليش
مش هقرف نفسي و أقعد أترجم و إلا هتتوقف فورا ، واللي مش عاجبه الباب يفوت جمل.
وانتى يا اختى يلى هتسجلى
ميبقاش أسمك بقة اسم مايع كده ورومانسى وقله الحيا دى
مش عايز بقة الأسامى دى
الولهانه
والعشقانه
و النعسانه
و ملكة الحب
وأميرة الرومانسية
وقله الأدب دى
2-أي رد مفهوم أو غير مفهوم هتتوقف وهطلع عينك وعين الى ( ...)
3-تشارك من سكات.
4-قسم الترفيه تكتب تعليق و انت ساكت و مش عاوز ضحك وقله أدب ضحك قله أدب هنا مش عايز .
5-قسم المسابقات تلعب من غير أي هزار.
6-ماتقعدش فاتح المنتدي طول اليوم عشان متضغطش علي السيرفر
سيب فرصة لغيرك عشان يتنيل على عينه يدخل.
7-أي موضوع مكرر أو حتي جديد يحذف فورا.
8-قسم الشكاوي مشوفش فيه موضوع واحد و إلا هازعل وأنا زعلى وحش .
9-تخليك في حالك و متتكلمش مع حد من الأعضاء جوة المنتدي أو برة المنتدي.
10-ممنوع أي هزار أو تعارف أو تهنئة.
ممنوع الضحك هنا ممنوووووع احنا مش داخلين المنتدى نضحك ونهأ هأ على حاصل فاضى
11-اللي هاشوفه بيقول (بم ) لزميله هو حر مش عايز قله أدب مع (العضوات) فى المنتدى ومش عايز كلام متغطى و مش مفهوم والا هطلع عين الى هيكتب حاجة فيها أنه .
12-القسم العلمي تجيب اللي انت عارفه ومن كتابتك انت بس لو جبت موضوع من بره هايتحذف فورا (هه انت فاهم؟).
13-قسم الفن والصوتيات والمرئيات اي حد هايجيب حاجه فيها غناء او اناشيد هاتتحذف فورا .
14-بالنسبه للتوقيع يكون مافيهوش صور ولو لقيت صوره واحده في التوقيع هاحذفها .
15 ـ بالنسبة لصورتك الرمزية
أنت عارف لو حطيت صورة فيها أنا هاعمل فيك أيه .
هحذف الصورة وهاحط مكانها صورة ( قرد )
المفضلات