ليه مانشعر بقيمة من نحبه..!
غير لاغاب , و نحاه الوقت عنّا,.؟
ليه جمر الصد في قربه نشبه..!
و إن رحل عنّا نـدمنا و انغبنّا
نحسب إن قلوبنا في القرب صبه
و إن لمسها الشوق ذابت ثم لنّا
كـن بعد أحبـابنا عنّا منبه..,
للقصور .. الي لحقهم قبل منّا
ملتهين و فاس (بعدين) نحطب به
الغصون الخضر في صحرا زمنا
و الزمن يمضي و يدفعنا مهبه
لو تنـاسينا الليــالي مانسنّا.!
لو تنبهنا و حسسنا الأحبه
باهتمام و في غلاهم ما استهنّا
ماتلوعنا و صار البعد سبّه
للجروح و للعذب الي سكنّا
و لا سمحنا للندم سمّه يصبّه
في محانينا و يبطش و يتجنّا
و صارت أوضاع المشاعر مستتبه
فـ الفراق و فـ الوصال إليا تسنّى
المفضلات