تقول اراك مبتسم تغنى وكم يحتاج مثلك للبكاء
وما تدرى بان بكاي صعب و اكبر من دموعى كبريائي
تقول اراك مبتسم تغنى وكم يحتاج مثلك للبكاء
وما تدرى بان بكاي صعب و اكبر من دموعى كبريائي
لا تشتكـي مـن جـور الايـام للنـاس
وادفن همومك في ثرى الصمت كله
اسـرار عمـرك خلهـا تحـت الانفـاس
لا صــار هــرّاج القـفـا فـاطـنـن لـــه
هذاك يفرح لا لمس جرح الاحساس
و هــذا مـنـاه لا لـقـى فـيــك عـلــه
جـو الربيـع بعـجـة الصـيـف ينـحـاس
لاجت هروج(ن) ما تجي فـي محلـه
داعب هموم الليل لا هب نسنـاس
وعطها الخبر من قلب خل(ن) لخلّـه
قلّـه حبيبـك مـا وطـى قلبـه الـيـاس
حتـى عذابـك بالـهـوا جـايـز(ن) لــه
تعيش بالوجـدان مـا عـاش هالـراس
لـولاك قلـي وش انـا عايـش(ن) لـه
إن زانـت الايــام يــا شــوق لابــاس
ولاّ صـبـرنــا لــيــن ربـــــك يـحــلّـــه
قعدت في راسه وحيد لحالي
والقلب في لجات الافكار غطاس
وقعت اعد ايامها والليالي
دنيا تقلب ما عرفنا لها قياس
المفضلات