يا قمر ليلة تمامك ودي اسولف عليك
كان تسمحلي وتسمع ودي اسولف معاك
لا تغيب وتبتعد عنــي عسا الله إيهديك
اشعل اليسرا لشوفك واشعل اليمنا لرضاك
من عرفتك في عذاب الشوق ساهر وحتريك
لين مـــا ذابت جفوني والنظر يمة سماك
يشهد الله في ضميري بالهوى ما لك شريك
ولا تناظر عين قلبي بالملا أحدٍ ســـــواك
والله إني يا وديدي كــل ما فيني يبيك
حالفٍ بالله لأني كل مـــا فيني يباك
شوفني إش صار بي إن لامست كفـي اديك
انتفظ لون السقيم اللــي مسلم للهلاك
بايعٍ عمري وروحــي لجل ودي أشتريك
يــا بعد حيّي عساها جملة اسنيني فداك
طالبك لجل الموده يــا حبيبي وارتجيك
كان لي مقدار عندك قوله ابشر قول جاك
لا تعيد أيام مرت بين أجيك او مــا أجيك
خلني دايــم بقربك عاشقٍ يلزم حماك
وكان انا زليت فــي حقك عساني أفتديك
لا تخليها بصدرك لـــو بترميها وراك
إعتب وعاتب وجادل يـا حبيبي ما عليك
اطلب الحق وتمنا وقول لــي هذا خطاك
إرأف لحال المتيم فــي نهاره ما نسيك
قايمٍ ثلثين ليله لا وربي مـــا نساك
يهجع الثلث الاخير ولـن غدا نومه وشيك
جاه طيفك فــي منامه واهتنا لحظة لقاك
الصحيح إني مقصر وانت لـــي حقٍ عليك
لنك تقارن بروحك بيــن ذي وبين ذاك
لــــين واحدهم ليامن رد بمهاده شبيك
وشب بديار الاماره مـا وصل في مستواك
لنك انت الذوق كلــــه والحلا منك وفيك
ومن الجمال اليوسفي سبحانه الخالق عطاك
المفضلات