المشاركة الأصلية كتبت بواسطة زمان الصمت
ابيات من الشعر الجميل
ألوم صديقي وهذا محال
صديقي أحبه كلام يقال
وهذا كلام بليغ الجمال
محال يقال الجمال خيال
*********
صديقي اللي يوم ضيقي تضايق
اللي يشاركني همومي وضيقي
يحاول اسعادي بشتا الطرايق
يشيل كلش واقفن في طريقي
هذا الصديق اللي له الاسم لايق
اصل الوفى من معدن اصلي حقيقي
اما صديقي بس لاصرت رايق
ما يستحق انه يسمى صديقي
اخي الغالي وصديقي العزيز ابن الشريف خوي الذيب
لا قال تكفا هزت قلوب الرجاجيل بعتابه
ولا قلت له نخيتك حتّم علي القول وصار له عازه
يا اخوك انا على عهد المحبه تعاهدت
ما أخلّي خوّي يلحقه ظيم وحسافه
من بادي الوقت على النخوه تعلمت
والفزعه لـ راع ِ الصداقه وجابه
يا نور عيني والقلب منك ولك
ترى صحبتي ماهي مثل باقي الصدايق
لا أقبلت يمي تلقى القلب مسكانك
ولا قفيت تلقى روحي تنشد عن علومك
واقول قول والرب شاهد
لو اني القى السمّ في كاسك
اشرب وارتوي منه بكفوفك
لان الصديق اللي شرواك بالمال ينشرى
صديقي الغالي ابن الشريف
ارجو من الله ان تكون في صحه وعافيه
وان يديمك لي صديقا عزيزا وغاليا على قلبي
دمت بكل الخير
وتقبل مروري واحترامي
اخوي وصديقي زماني وصمتي :
هلا بالحر بالشاهين قناص الحباري ..
هلا بخوي الذيب اللي أبد ما يملّنّي
ياصاحبي غصة الأيام يومٍ تنادي ..
تكدر الخاطر والرسايل تضيقنّي
مالوم انا الأيام يومٍ تصد وتعادي..
لاغدى الصاحب بخنجره يطعننّي
لاخير بصاحبٍ يخلي الصاحب يعاني ..
ويدوّر أسباب الزَلات ويزيد ويطمعنّي
صاحبك ياصاحبي ابشرك والوكادي ..
كفّى ووفّى وعلّم مو كل طيرٍ يوكلّني
نبيها بالمرجله ياهلا بالصاحب تاج راسي ..
وبالنذاله اعلمه علوم المراجل واعتننّي
صاحبي الحر لا دارت الايام صاحبي ..
مايغيرنّ العذارى على صاحبي ويكيدنّي
مالي بالنواعم وهرج لولو وهم ّ لالي ..
لنا سوالف مراجل .. خلهم يسولفني
ماتطربني اليسا وهيفا واحلام ونانسي ..
أنا ماغير صوت الربابه للشوق يحركنّي
وياهلا بصاحبي الحر قناص الحباري ..
نعم الخوي اللي ماغيره من حنانه يطعمنّي
اخي الصديق الصدوق زمان الصمت كل الشكر لتواجدك ومرورك وتعليقك الذي حرك مابخاطري من كلمات
وكتبتها من القلب اهداء لك
اخوك للأبد / ابن الشريف
ضوابط المشاركة
المفضلات