تجرني الخطوه على دروب الأسفار
..............وتعصف بي رياح الدهر والنوايب .
هذي تصاريف الليالي والأقدار..
.............أمسي غريب وأبتعد عن حبايب
وحيد حار الدرب في وجهتي حار..
............غريب وظروف الليالي غرايب
ياليل مالي في دجى ظلمتك نار..
............أضوي بها درب مشته الركايب..
سافرت ودموعي على الخد مدرار..
...........والقلب من حر التناهيت ذايب
ودعت ربع كنهم بيض الاقمار..
..........فارقتهم من دون ذنب وسبايب ؟؟!!
ما خنتهم بس الزمن كان غدار..
...........وش للزمن يرمي علي المصايب..
دارت رحا الفرقا ودار الزمن دار
...........وسوت بي أحداث الزمان العجايب..!!
في كل أرض سرت دقيت مسمار !!
..........ويعود مسماري عن الأرض نايب
يا رحلة الغربه غدى العمر مشوار
...........أستسمحك يادرب لوعدت خايب!!
مليت من ضوضاء المدينه والأنوار..
...........وفوضى الشوارع والسفر والحقايب..
زرعت في صدري من همومي أشجار..
..............وأسقيتها بدموع عيني صبايب
وتعبت أدور لي عذر مالي أعذار
.................ماكنت أنا مخطي ولا كنت صايب
أسامر نجوم الليالي ومحتاار
.................وحيد بدنيتي حتى البدرياليل غايب
ما ينشرح صدري على شبة النار ..
.................في خبت أجرد كل مافيه هايب
وأنا الذي دااري تمارى بالأنظار ..
..................فوق الجبال النايفات الذرايب..
في ديرتي صحب وحبايب وسمار..
.................وهناك ربعي والأهل والقرايب ..
وهناك عشق لليالي والأشعاار..
...............ماأتوب عنه لو غدى الراس شايب..
تذكار ياذيك السواليف تذكاار..
.................لا من ذكرتك عود القلب ذاايب..
في ذمتك يا قلب ماأشتقت للداار..
..............ويا عين ماأشتقتي لشوف الحبايب
يا صاحبي في داخلي سور ينهاار
.................أن مرت الذكرى مرور الهبايب
ياهيبة الذكرى على قلب مغوار
..................لا تشعليني خوف ماني بهايب
أدري همومي جم وذنوبي أكثار
...................وأدري على مثلي تنوب النوايب
.............. وأدري بعد ربي عزيز وغفــــــار ..!!
ممارآق لي
المفضلات