بعض العرب حبه يوردك الجنـون
ولا يوصف له غـلاه حكـاك لـه
مايقنعه وصف الغلا لو وش يكـون
لو كل حرف بالحريـر يحـاك لـه
الموت جاك وهـو تقلبـه الظنـون
ولا لك الا الصبـر وش وداك لـه
ان قلت ضايق قـال هونهـا تهـون
يدري ان ضيقتك لـه وبكـاك لـه
تقعد تحبه وانـت ساكـت ومغبـون
كن بيـوم يقـال لـه مااوفـاك لـه
وكانك مشكك هو يمون او ما يمـون
تخيل ان عفت الصبـر فرقـاك لـه
غلاه وهو فوق الغلا ماهـوب دون
وحكاه سمعك يجبرك بارخـاك لـه
ودك تحطه في العيون من العيـون
وتبسط على رمضا الثرى يمناك لـه
وتظله من الشمس في ظل الجفـون
ولا يمـر اذنـه سـوى لبـاك لـه
وتسج من غيره لو انهـم يذكـرون
ومنين ماسجت القـدم ممشـاك لـه
غرو يميله التـرف ميـل الغصـون
غصن ليان ومكرمـه باسقـاك لـه
جديله الى اقفى ستر منـه المتـون
كني بريحه لاألتفـت لأدعـاك لـه
كيك وعسل لكن ماهو في صحـون
ودعا ك من عين الحسود غطاك لـه
الله لايعطـيـه نــاس ينضـلـون
ويستر علية مـن النحـل لا ياكلـه
الوصف والتعبير في وصفه يخـون
غير اطلب الله يستجيب دعـاك لـه
وعذال قلبـك فـي محبتـه يهبـون
سكينهم عـن قطـع حبلـه حاكلـه
ناس عن اعراض العرب مايعرضون
ودايم على نفس الشكـل والشاكلـه
اللـي مـن لحـوم الاوادم ياكلـون
وحلوقهـم دفـع البـلا متواكـلـه
في سلمهم اولى بالاكـل الاقربـون
واطيبهم اللي صيدتـه شكـواك لـه
عازمهم الشيطـان للذنـب ويجـون
هـذا يقطـع لــه وذاك يواكـلـه
ياجعلهم فدوة ثـرا الغـض الفتـون
اللي على الدرب الطويل خطاك لـه
طيفه الى نام البشـر زارك بهـون
وطيفك الى نام البشـر سـراك لـه
حبه دفان ومقبرة خضـر الطعـون
بين العظـام العـوج كنـك ناكلـه
اللي كذا حبه لـو تمـوت مغبـون
ولا لك الا الصبـر وش وداك لـه
بيرق الشعر / بن فطيس المرّي
تحياااتي
روح مليـــانه جروح
المفضلات