انا و اضعاف همك و الكلافه .. و ضيق انفاس و اشواق و حسافه
و قلب ٍ ما عرف معنى غيابك .. سوى يوم انت غبت بدون رافه !
وكم حلمٍـ قصرته دون واقع .. وكم حلمٍـ لقيت انه سخافه
وحلمـ ٍ يوم حققته ، تلاشى .. لعلي جيت في وقت انصرافه
حبيبي لا ترى مانيب خايف .. بعد فرقاك وش باقي و اخافه
وانا سافرت و الجرح ف جيوبي .. و اهونها ، رغم طول المسافه
تمر ايام وسنين و شعوري .. بعد غيبتك حاولت اكتشافه
والى مني فشلت ارجع و احاول .. غريب شعور في منفى وعافه
وشوف بعينك اش سويت فيني .. تقول كتاب مشقوق ٍ غلافه
حبيبي خذ رسالة شوق مني .. و من قلبٍ قطار الشوق طافه
" لفا ظاميك و حروفه عطاشى .. و صار النهر ما يسقي ضفافه
حقيقه موتة الظميان نعمه .. ولا موته من اللي منك شافه"
بغى شاعرك يكتب لك قصيده .. و يختمها بتسجيل اعترافه:
قصر ذكراك فيه يزف ميت .. اذا ودك تجي ليلة زفافه !
الشاعر ..... يزيد بن غشيان
المفضلات