=لحن الرحيل=
الله يسلّم يدين الجرح والفرقا
ويسعد صباح الخطا والشك والغيره
يوم أبعدتني قبل لا أقاسم الورقا ..
لحن الرحيل
ومذاق الحزن
والحيره
وخلتني أفتح لصوتي صفحة ٍ برقا
أطوي بها الدرب وأسري مع مشاويره
دام السواحل خطاوي رحلة الغرقا ..
لا ابغى السواحل ولا ابغى للبحر سيره
لاوالله أبغى ملاذ ٍ عنك يالطرقا
لو كان حضنك ربيع وديرتك ديره
قلبي وأعرفه عنيد ولارقى يرقى
لين أتبعثر وأجمّع في مخاسيره
مابين ليل ٍ طويل ودمعة ٍ زرقا
ومابين جرح ٍ يخون النزف تعبيره
وراي ما أرفع يديني وأطلب الفرقا
وأقول يسعد صباح الشك والغيره
المفضلات