أبي منهو عطاك الحق تحرمني من النسيان ..
وانا من عادتي لامن نويت أنسى قدرت انسى ...
أثر بعض الغلا لا زاد عن حده يصير ادمان ..
مثل معمى غلا صخر وفراقه اخته الخنسا ...
أنا ما ودي أفارق عيونك وأرجع الخسران ..
وانا مالي بعد مرسى عيونك يالغلا مرسى ...
علامك كل ما قربت لك خطوه تروح اوطان ..
علامك كل ما لينت لك راسي تصير اقسى ...
علامك كل ما غنيت لك يا طائر الأشجان ..
تطير ولا توقعلك على غصن ولا ترسى ...
صباح الطيب يا احلى طيب شفته في شكل انسان ..
صباح الملح يا ملح وجيه ناعم الملسى ...
أحـبــــــــــــــــــــــــــــــــــــ ــــــــ ــــــــــــــــــــــــــــــك ....
أحبك كثر ما حب العرب زايد بن نهيان ..
كثر مامر هالقلب بليالي مظلمه وشرسة ...
أحبك كثر ما عاشو يتامى من كرم سلطان ..
أحبك من هنا للصين لليابان للنمسا ...
معك بالذات كأن الله حرمني نعمة النسيان ..
أقول اني قدرت انسى وأنا مالي أمل أنسى...&
المفضلات