--------------------------------------------------------------------------------
الضيق في صدري كسر حاجز الصمت
فجّر براكين الكلام وحكاني
ماطاب لي خاطر حسافة ولا نمت
كله سبايب همي اللي حداني
البارحة مليون مرة تألمت
داويت جرح وبان لي جرح ثاني
ماهي غريبة لانجرحت وتبسّمت
دام الوفاء ماله مكان ومواني
والكلمة اللي لاطرت بالخفا قمت
لاجيت بنطقها يعاند لساني
حار الكلام بداخلي ماتكلّمت
كن الكلام يزيد هم المحاني
أشياء واجد تو منها تعلّمت
آشره على نفسي وآعاند زماني
درس الزمن خذيت منه وتعلّمت
ياكثر ماياخذ ولا قد عطاني
آبوس راسك يازمن لو تكرّمت
كافي ولك مني جزيل امتناني
المفضلات