[grade="00008b ff6347 008000 4b0082"]هبوب الوَلَه .! وجمر القصيد !!
هبَّت هبوب الوَلَه..واشْتَبْ جمر القصيد
واعشوشبَت روضة الحزن بلظى صدَّها
أنزف غلاها.. وازيد هموم وجدي رصيد
واشرب ظماها..وينْبت بالحشا وِدَّهـا!
في كل لحظه وانا اخلق حبَّها من جديـد
واذوق طعم المِنيَّـه مـن جفـا رَدَّهـا
ماعاد لي طاقه.. أتحمَّل لو إنـي حديـد
الروح ضاقت ..ونفسي واصله حدَّهـا
لولا غرامٍ جرى معْ كل نبضـة وريـد
ولولا بحورٍ بصـدري فايـضٍ مَدَّهـا
ولولا ليالي شَعَرْها والظـلام الشديـد
ولولا غصونٍ تكسَّـر لاانثنـى قدَّهـا
ولولا وصايف حسين الدَّلْ ردفٍ وجيد
ولولا ورود اجتنيها من جنـى خدَّهـا
ولولاي أتممْ عهودي من زمـانٍ عهيـد
ولولا خفايـا غـرامٍ مااقـدر آعدَّهـا
ولولاه شيطان حبي فاتـكٍ بـي مَريـد
لااترك بَعَدْها قصور العشـق وآهدَّهـا
مأسور في حبّهـا كنـي مقيَّـد بقيـد
عايش بلاقلب..قلبـي طايـحٍ عندهـا
قولوا لها وش تبي؟ماادري وش اللي تريد
هـي بـسْ تَشِّـرْ..ولا والله ماارِدّهـا
ذنب الليالي.. خذتني وابعدتنـي بعيـد
ولاّ فانا مثلما "بالضبط" هـي وِدَّهـا!
بنتٍ سبتني بها حسنٍ غريـب وفريـد
الفجر منها.! ونور الشمس من جندَّها!
رعبوبةٍ زينها فـي كـل لحظـه يزيـد
يالعنبو دارها....يانـاس مـن قدّهـا [/grade]
المفضلات