كل دمعة حب في عيني قصيده
والرجا ما فاد في كل القصايد
غير لحظه شوق في ساعه مديده
تروي الآمال بأحــــلام جدايد
التوجد سيد نبضي وسيـــد سيــده
لا عتقني من عذابي والنكـــايد
ولا تهنت عيني الثكلى السهيـــده
لن قلبي غثها بكــثــر النـشـــايد
أقترب وأقطع مســافــات بعـيــده
ســاعي بالخـيـر والـدنيا شـدايـد
هو مناة الروح هو عمري وجديده
كـل يــوم يمـر له نبضي يتزايد
صدقـوني وأفهـموا بنـظره سـديـده
أن حـبـي صـادق ووجدي وكايد
دامـنـي بالـصـدق أهــواه وأريــده
لـيـش تحـرمـني عذاريب وعوايد
ولش كـل الـنـاس في حـاله سعـيده
والجـوى يطـوي فؤادي طـي كايد
من نظـرلـي.. شـافها الحـاله شهيده
عـأيـدونـي والـحـزن فـيني أعـايد
مـقصـدي واضـح ولا ودي أزيــده
واضــح والـشـرح ما منـه فوايد
قـلـتـها مــرات فــي كــم قـصـيـده
حـبـنـا مـنـحوت في كـل القصـايد
اتريا مشاركاتكم وردودكم
المفضلات