شفتها من عقب ما غابت سنين
جت تقول متردده ثم ارجعت
وقمت اناديها: ابيك بكلمتين
واستخارت واستدارت واسمعت
قلت:قولي علميني وش تبين؟
قالت:اصبر،قلت:يكفي،واجزعت
قالت:انت تبيّن انك مستهين
وانت روحك من عنا البعد اطلعت
زين ابسأل دام قلبك ما يلين
ليش عينك يوم اقفيــت ادمعت
قلت:انا باسي قوي لو ترجعين
صدقيني عمر نفسي ما اخضعت
كان قصدك دمعتي لا تفرحين !!
شعرةٍ دشت بعيني واطلـعت
خالد المريخي
المفضلات