لقيت الدار من بعد الحبايب
خليه وباكيه وبها عجايب
وقفت بها وانا حيران ساعه
ودمع العين من موقي صبايب
الآ يادار بالله خبريني
عن المحبوب قولي وين غايب
تقول الدار عقبك غادورني
وخلوني لعيات الهبايب
وسافر من تود وحال دونه
بر وبحور وأخطار ومصايب
رجعت بحصرتي وهموم صدري
وتقلاني من العبره لهايب
وهانا قد بليت بذي المصيبه
مصيبة حب والدنيا مصايب
ونا قبل لاجي كان ظني
على هذا وظني كان صايب
الا يالله لاتقطع رجاء اللي
يسألك عن رجوع محب غايب
عسى المحبوب يرجع بالسلامه
بحفظ منك ماتصيبه نوايب
محب مالك عقلي وروحي
وفي حبه رخيص العمر ذايب
يحلي بلؤلؤ البحرين صدره
وحنى العين حطه بالروايب
عسى كل عام ياديرة حبيبي
عليك يصب هطال السحايب
الشاعر أحمد علي الكندي
المفضلات