أوعدك كان حظوري مسبب أزعاج
أودعك وأغيب والغي حظوري
لآصرت ماني عند ضيقاتك أفراج
قول لمقادير الزمن ويش دوري
ماني فاتح باب قلبي للحراج
وماحب أكون أنسان ماهو ضروري
يوم أنت كنت بظلمة أيامي أسراج
ماخافت الخطوات حزت عبوري
جيتك غلا ماجيتك انسان محتاج
والناس تعرف قيمتي من مروري
كتبت لك أبيات وقصور وابراج
وان مارضيت شلون يرضى غروري
ببعد وانا ادري ماورى بعدك أعلاج
والهجر ماهو من دواعي سروري
دامك تبادل ضيقتي بضحكة أحجاج
وش بستفيد ان ماتداري شعوري
يا كثر ماخبيت شعري بالأدراج
خايف يضايق وسع صدرك حظوري
المفضلات