عسا ما زعلتك امبارح.........وزودت الجراح جراح
عسى ما مرت الدمعه...........على اهدابك باسبابي
جرحتك من كثر شوقي........وخليت الكلام رماح
ولا ادري شلون يا عمري.....طعنتك حيل بعتابي
بدون شعور صدقني........ترى كثر الهوا ذباح
تعال شوف بغيابك........غلاك شلون سوا بي
حرام تغيب من عمري .....وتعطيني الفراق وشاح
حرام الدمع في عيني .......مناديله باهدابي
غيابك يشغل عيون الزوايا .....وامتلي اشباح
وانا انطر صوتك بقلب المكان.......واشعل ابوابي
لفت للامل دام الرجا ........في عمري الملواح
اناديلك ولو شرهت.....وصولك تقطع اعصابي
ابيك الجاي من عمري....انا ما بيك شي وراح
ما دامك اجمل واخر .....ما دامك اول احبابي
ابي ارتاح يا عمري......انا ادري كم تبي ترتاح
تعالي وقبل ما افرح.......ترى تفرح فيك ثيابي
احبك يا بعد عمري....الحزن والجرح والافراح
احبك كثر ما نامت ......عيونك داخل اهدابي
المفضلات