وش فيه لوحبيت من زود وش فيه"
الحب نعمه كل نفسآ وصلها"
قلوب خلقآ ذاقت الحب تشكيه
مره يميل ابها ومره عدلها"
احدن عماه الحظ واحدن يقديه
الله خلق هالخلق والله كفلها"
لو أسعد الايام ينباع نشريه
باغلا ثمن ولو الباينه نعتزلها"
الجود مايبني سوى بيت راعيه
والمكرمه بالحب قلبي حملها"
الحب مثل النبت محتاج نسقيه
بعض الجفا يفسد محاصيل اهلها "
والذي فقد شي ترى كيف يعطيه
يعطي برود ولا يتمم عملها"
الحب لأجل الحب تسمى معانيه
ومن حب نفسآ كيف يقوى زعلها
ان كان تبحث لي من عيوب ياهيه
ان شفت شي من العذاريب قلها"
ون كان تسمعني ترى الهرج تاليه
كلن يطفي ناره الي شعلها"
صويحبي لاصرت احبه ومغليه
تموت عذال الهوى في مهلها"
والله احبه حب ماني بمخفيه
حبن سكن بأقصى الضماير دخلها"
رد مع اقتباس
المفضلات