ابي أبكي من الضيقه وأبعزف ( للهموم ) ألحان
ابي أطلق مواويل الحزن وبطرح كل دواويني
ابي أشكي ابي احكي أبوصف للبشر حرمان
أبيهم كلهم يدرون ابيهم يشعروا فيني
ابي لا من طرى أسمي بكي من لوعتي شيباب
ابي لا من طرى (احمد) ذكر من كان يغليني
ابيهم يذكرون اني صرت بدمعتي غرقان
ابيهم يذكرون الهم هو الذي صار يخاويني
ابي اصرخ وابلغهم وأقول ان الفرح خوان
يجي مره معاي وهو طول العمر ناسيني
ابي اترك لهم قصة وأخيرهم على العنوان
يسموا ( حزن) يحطوا ( دمع ) ماعاد يعنيني
ابي لا من وصل صوتي يحس بضيقتي إنسان
ابي لا من نزف جرحي لقيت الي يداويني
ابي شخص يجي يمي ويقفل للعنا بيبان
ابيه يكون لي خل وعلى حزني يواسيني
ابيه لمركبي مرسى وابيه لغربتي أوطان
ابي لا من ذرفت الدمع لقيت الي يعزيني
انا ما ابيه يصبح ضلع ابيه يكون لي ضلعان
ابي لامن مشيت وطحت يحط اديه في يديي
الا من خانني التعبير ابيه يكون لي لسان
ابي لا من سكت يفهم من نظر عيني
ابي لا من تعبت وضقت يلم الروح بالأحضان
ابيه يكون لي كتاب لا من ضاعت عناويني
ابي أعشق وابي أغرم وببني للهوى بنيان
ابيه يكون مبنى ضخم ويسكن فيه مغليني
ابي واحد يسكن بي وبطرد لأجله السكان
ابي يسكن وسط قلبي وعمره مايخليني
ابي أشعل شموع الحب وأعطي من الغلا بستان
ابي اهديه باقة ورد مسقيها شراييني
رد مع اقتباس.gif)
المفضلات