مافيه داعي تهل الدمع من شاني
بكره يقولون ليه يالحب بكيته
انا تمنيت تذكرني وتنساني
وانت ياليتك تمنى الي تمنيته
رسايلك جت بين أسمي وعنواني
وتعلقت بين ضيعته ودليته
بعض البشر لو يدورني مايلقاني
وبعض البشر لو يجاذب سيرتي جيته
لا تنشغل خلني ياسيد خلاني
استسمحك وقتي الي معك قضيته
قولي : ( ؟ ) الحلم خليته وخلاني
او قولي بالعكس خلاني وخليته
ياسيفي ودرعي وخيلي وميداني
البيرق المنكسر لرضاك رزيته
أموت من ضيقتي مير الله احياني
وجوارحي نوب لا حيه ولا ميته
رغم أني أعاني من الوقت ما أعاني
مسحت صبري على جرحي وداويته
فرشت لك قلبي وشلتك وسط وجداني
وأرتحت في قلبي المفروش وأذيته
في ذمتك لا تراودني على أجناني
وصلت حد الجنان ولا تعديته
ون قلت وش جاك مدري منك وش جاني
ما غير مديت لك كفي وعضيته
ماعاد مع راسي الأ روس جنحاني
والريح لا هب مع طاريك هبيته
أسمح لي أجر صوتي وأسحب الحاني
والشعر لا ضقت غناني وغنيته
العام انا مبتلش في عقدت لساني
واليوم انا شاعر.ن. ماينهدم بيته
ومافيه داعي تهل الدمع من شاني
بكره يقولون ليه يالحب بكيته
المفضلات