ياعشيري مابقى فيني مجال
الحمل فاق التصور مكبره
شوف ظهري كان واقف بإعتدال
حملي الي هو تجرا وكسره
ياعشيري من بعد ذاك الغزال
ماستدار وراح معطيني إظهره
حلمي الي شرهته كبر الجبال
ماتت الآمال قدام إنظره
كيف واقع صار في لحظه خيال
حب شامخ كيف هزته شعره
الرجل موقف وللموقف رجال
وآآآه شالحيله إذا الموقف مره
وشلنا بالحب بعلن لعتزال
قلبي اللين قسى وصار إحجره
ولاتفسر كلمتي لك من خلال
إن هذا الحزن توه ب/ شهره
ودك إني أرجع بحب العيال
وأنجذب للحب وأرجع وأخسره
لاتأكد رجعتي والله محال
وش لنا بالحب دامه مصخره
وإنتي يالي ودك الحب الزلال
والله إن أبواب قلبي مسكره
يعني ماني لك أنا سهل المنال
أو تقولي صعب وأقدر أكسره
إتركي عنك التحايل والهبال
مابقى للحب في قلبي ثمره
مابقى للحب عندي راس مال
شوفي قلبي طاري الحب هجره
إرحلي بالله يابنت الحلال
كيف ورده تنبت بنص إصخره
المفضلات