،
من دون " نوح الوَرْق وألاّ الربابه
.........هذا انكساري فالنهايه .. عزفّني ..!!
زفرة شقا .. مع ضيق حال ورتابه
.........روتين شامل .. لويدوّن / وصفني ..!!
يقهر لحن " فيروز " عمد وصلابه
.........لاقمّت أغني .. ليت قلبك
عرفني ..!!
ليتك عرفْت أن التعب .. والكآبه
........منفاي .. لوسيل المهانه جرفني..!!
ياصاحبي .. من دون زيف ومهابه
.........مقياس منطق .. لو حسابه جزفني..!!
لو مستوى التفكير يفقد نصابه
.........ماشفتني "عاقل" وانا اقول .. عفنٍي ..!!
ماهيب قصّة ماأحبك ولا آبه
.........او هي حكاية ماأبيك تغرفني ..!!
تدري قبل يعلن خفوقي انسكابه
..........مجرى حياتي في دروبك .. نسفني ..!!
كنت أحسب إني بإعتلائي .. سحابه
.........إلين حبّك .. بالضماير عسفني ..!!
علمتني .. وشهي حدود الإذابه
.........وذوبت لك مكنون عيني وجفني..!!
وعلمتني حجم الصبر وإحتسابه
.........ومن دون علمك انثنى واختطفني ..!!
طعته .. عشان عيون ناس(ن)غلابه
.........طموحها لو جار : منّك نصفني..!!
خذها قبل يبدأ كلامي انسحابه
........دور التعاسه في غيابك ولفني..!!
وأنا ولفت من الشعور إغترابه
.........يعني بصراحه كان تبغى تعرفني ..؟؟
اليا انتهى وقت العصر من شبابه
.........وقال المساء ل/ مفارق النور .. ضفني..!!
واجتمعوا الضّدين بأشهر غرابه
........طهر(ن) شرب دمعي وليل(ن) ذرفني ..!!
ب/ يبان لك مفهوم وجه التشابه
.........يعني كذا .. غمّض عيونك .. وشفني..!!
وارفع كفوفك في حراوي إستجابه
.........أموت " ريحانه " ولااحد(ن)قطفني .!!
المفضلات