يا صاحبـي اعنيـــك وانا لك طــــلاب
وصدق النوايـــا بلا شــــك مطـــلوب
اثــبت بـالأ فعـــال وابـــدي بئيجــــاب
وخلّ الهـــوى ما بينا شاهـــد ومندوب
انا نارٍ توهّـــج علــى راس مرقــــاب
ما طفى شعلتي غير صادق المحبوب
كم لي وانا صابر بلا قدر وحســـاب
والصبر زادني شبـوب على شبــوب
والبــــلا ليــازاد وتعـــدى النصــــاب
ديِّتــه تركــه وجيـــز عنـــه وتــــوب
لكن بعـض البـــلا يـزيــد فالترغـــاب
ومرّ الصبر حالي في كل مرغـــــوب
صحيــح ان الهـــوى حاكم وغـــــلاب
وهذي سوات العشق غالب ومغــلوب
الهـــوى دروبه مشقــــات وصعــاب
وراعيه لاشـــك فالامـــر مغصــوب
وراعي البلا مجبـور ما عليه اعقــاب
وسبحان من جعل البلا كفــارة اذنوب
يا بعــد كللــي حــالي لكـــم شــــــاب
وشمس العمــر كلما لها فــي غروب
الرجــا باقــي مع الامــل ما خــــاب
والصبر واجــب دام الشقــــا مكتوب
يا سبب جـــرحي ويا زينة الاحبــاب
ما لجرحي ابد غيــر وصلكم اطبوب
المفضلات