متـى عرفتينـي حـتـى تحبيـنـي
لو جلت لك بدري ما أظن انا غلطـان
متى لمحتى الشوق و الصدق في عيني
و بيني و بينك درب غربـه و بيبـان
وش تحسبين الحـب يللـي تحاكينـي
الحـب ماهـو سالفـة بيـن خـلان
الحب صدق احساس وسط الشراينـي
الحب يا صوت لفـى نبـض ولهـان
اليوم لا جلتي معـك باكـر تنسينـي
هذي الحقيقة و اسألـي كـل إنسـان
انتي خدعتي إحساسك لا ما خدعتيني
و المختبي مع مر الأيـام لازم يبـان
لا تسأليني ليه وش صار وش فينـي
لا تلعبيـن بخافـق ٍ بـات حـيـران
كانك تبيـن القـرب شبـي و دفينـي
ولا اتركيني بزحمـة البعـد بـردان
المفضلات