ياوجودي وجد من ضاقت به الارض الوسيـعه
ضايق(ن) صدره وقـــلبه كل نبضاته سريعه
ضاربه هم المفارق يـوم ضرباتـه شنـيعـه
والحقيقه كل هم يهون مـع هـم الفراقـــي
وآعذاب الفكر مـن خلـي ليامنـه طرالــي
استعيد الذاكـرة واذكـر جميـلات الليالــي
ياغناتـي يامناتـي ياحيـاتـي ياحـلالــي
هم فرقاكم علـى قلـب المولـع مايطاقــي
في غيابك أحسب الساعات وأعـد الثوانـي
وأتظاهر بالفـرح وأقـول عفـوآ يازمانـي
لاتعذبني وانا بلشان مـع حظـي وأعانـي
من هموم(ن) غربلتني ولابقى للصبرباقـي
كل ماقلنا إنتهى همن يجـي همـن بدالــه
صار قلبي للهموم الجايـره مثـل المحالــه
لامحاله من همومي في زمانـي لامحالـــه
كن في قلب العنا حربن مثل حرب العراقـي
لي غلاة(ن) حبها فالقلب يبني له صروحـي
إحكمت قلبي وحبي واحكمت عقلي وروحـي
بالوفاء والحب والتقدير مع قلب(ن) سموحي
وبالغلا والتضحيه في حبها باسلـوب راقـي
مارضيت بغيرها من ناعسـات الطـرف لله
بالحسن تبقى الوحيده لو ألف الكـون كلـه
فاضله ماساومو فيها على غـلاف المجلــه
بنت شيخ(ن) تعتزي به عزوته يوم التلاقـي
نطلبك ياعالـم الاحـوال فـراج الكروبــي
تفرج الضيقات من صدر(ن) هواجيسه تلوبي
لوب الأوراق الخفيفه من معاصير الهبوبـي
لافته وانلاف معها خـارج حـدود النطاقـي
المفضلات