[IMG]http://www.***********/vb/avatars/188739.gif?dateline=1275002888[/IMG]
صواديف الزمن تجمع قلوب وتبعد الخلان
وقلب العاشق المقهور سابح وسط ضيقاته
اجامل وابتسم واخفي خفايا القلب مهما كان
ولو زادت على قلبي من همومي معاناته
لجل من ضيقتي ما يفرح العذال والعدوان
ازعل ذاك وارضي ذاك وامشي حسب مشهاته
على عشقٍ بنى بالقلب بيت وشيّد السيسان
تزول هموم صدري يوم يهمس لي بضحكاته
بداية عشق مجهوله ولا ادري عن خفا الازمان
احس انه بتالي الوقت زادت ليّ ميلاته
وانا له ملت في قلبٍ تحدى موجة الطوفان
سبح واظهر عناقيد الذهب من وسط غباته
اضيق ان ضاق وافرح لا فرح واشتاق شوقِ بان
تبين اشواق قلبي كل ما طول بغيباته
ولو ينباع فيه ادفع لعينه غالي الأثمان
بروحي والعيون اشريه واتعب في مراعاته
له بقلبي غلا ما قد عطيته ساير الخلان
عسى بالوصل ما يبخل ويوفيلي بمداته
المفضلات