أشتاق لك وأهواك وصل وقطاعه
أشتاق لك شوق الصحاري للمطار
أشتاق لك في كل لحظه وساعه
انت الربيع وشوفتك تنبت أزهار
فيكم هوى قلبي يزيد اندفاعه
حتى عبرت بحبكم كل الأخطار
ماغير صوتك ينطرب لي سماعه
وماغير وصفك فيه الأخبار تحتار
لاشفت نور الخد يضوي شعاعه
مثل القمر لا لاح في وقت الأسحار
لا سلهمت نجلك فقد المناعه
يتوق قلبي منك ويبوح الأسرار
حبك ملا عيني وقلبي مناعه
مابي سوى حبك ولو صار ماصار
تامر وقلبي قال سمع وطاعه
مثلك يلبى مطلبه لو بالأعمار
المفضلات