نطقت بكلمة كانت تعاندني على لساني
قوتني يوم الوقت والتعبير خان راعيها
حقيقه وقفت ضدي وخلتني انا الجاني
على ذيك الملاك الى عطتني شوف عينيها
تقول ارجوك صارحني اذا لك بالهوى ثاني
واذا لك بالهوى قصة دخيلك لاتخفيها
وقلت ( ايوالله ان الحب ضحكني وبكاني )
وانا لي بالهوى قصة تبكي عين قاريها
وانا عشقت من قبلك بنات اشكال والواني
وحبك آخر أمالي وفيك اليوم ببنيها
غشاها حيره وغيره وشك ونار وأحزاني
وصدت واشهقت واقفت وبل الدمع خديها
وفزيت اتبع خطاها واقول الموقف اعماني
تكفين اصبري ابشرح لك القصة ومافيها
وناظرت لي وقالتلي ابيك اليوم تنساني
رح الله يسعدك والبنت تلقى من ينسيها
وصحت وطحت مغشين علي من الذي جاني
وصاحت يوم شافتني وشالتني بيديها
وقالتلي وهي تبكي خلاص ارجوك هذاني
أمانه رد قبل أنهي حياتي وأنت تنهيها
صحاني عبير أنفاسها والصوت أحياني
على آخر روح ردتني عسى ربي ينجيها
ومرة سبعة أيام معاها كنت سهراني
ليلة جوها عاصف تسليني واسليها
ردتني لموضوع البنات وحبي الفاني
قلتلها البنات اهن القصايد في معانيها
وباستني وطيرها الهوى وبقيت وحداني
وأثاريها قصيدة عذبت بالحب راعيها
المفضلات