غنيت ليله كل حزني طربها
مرات أهيجنها ومرات مسحوب
وجمعت في بنرات صوتي عتبها
وعن غلطتي أستسمح اليوم وأتوب
محدن على ايديك النواعم ضربها
ومنت بعلى كل الذي صار مغصوب
محدن تيقن بك ولا احدن حسبها
تبي تسكتني اذا قلت مكتوب
مانعترض لكنك انته سببها
ممنوعك الي تزعمه صار مرغوب
بصيرتك مدري وش الي حجبها
ضاقت بك دروب وضيعتها دروب
النار في جسمي توهج لهبها
خطرآ على عظام جسمي له تذوب
كاسات مرك قلبي الي شربها
ماعتدت اذوق المر من يد محبوب
مدري وش الي في حياتك قلبها
تبي الصراحه أنت قتال القلوب
فاتت واشوف انه تزايد كربها
عسى الفرج ياتي وينحل مكروب
ما غيرك احدن تل روحي وجلبها
ثم بعتها برخيص من غير متعوب
في سوق حبك لين رسن نصبها
وتركتني حيآ مع الناس مصلوب
ودفنت روحك يوم ورق شببها
وأصبحت وحدك وأنت بي دوم مصحوب
[[ سرجت خيلي ثم غيري ركبها
خيالها ماله على الخيل من صوب ]]
طارت بها ريح العواتي هببها
في ليلة لاسلم فيها ولاحروب
أخترت من سوء الخلايق عربها
دام تخيرته فأنا منك مسحوب
نفسآ حرمها الله ونفسآ وهبها
هذا له طلابه وهذاك مطلوب
الأ جروحي زاد فيها عطبها
بغيت انا الفكه وعودت منشوب
اليآس فيني هز نفسي وغلبها
وأنا الي معلق بقلبه ومقضوب
نفسي ولو عافت قدرها غصبها
ترضى بواقعها ولو كان مزروب
ناري طفت عقبك ورمد حطبها
حرام عقبك لا ولا عود مشبوب
حتى معاميلي على الجال كبها
جنبت خلق الله كما حال مجروب
حالي بك أصلح واجمل وأبها
حالي بدونك من عوافيه منهوب
صدك خطف ضحكات عيني وسلبها
ولا ترى وصلك يرد الفرح نوب
المفضلات