اليوم يا اهل القصايد يوم ميلادي -
............... و اللّي مضى من قصيدي للشعر فدوه ..
مدام ما قلّ من حلو الفكر [ زادي ] -
................. والله ل افجّ السما , و ابقى على الهقوه ..
اركاب شعري تسير , و صوتي الحادي -
................. وافر ثقه , و المدى يستاهل العنوه ..
غصبً على قلوب عذّالي و حسّادي -
................عبرت كلّ المسافه واثق الخطوه ..
اذا رضو عادي , و لو ما رضو عادي -
................يكفيني انّي نقشت اسمي مع الصفوه ..
يا صاحبي .. ماني بهذا الزمن غادي -
................و لاني ب جاهل يعيش العمر في غفوه ..
انا رجل واقعي , و احدّد مرادي -
.................و متفائل انّ السنين المقبله حلوه ..
ان طبت .. طيبي ورثته من ( اهل ..... ) -
...............و ان عشت .. عيشة حياتي معْ هل النخوه ..
و لو عاند الوقت ماني ذاخر عنادي -
.................الوقت ما مجّد اللي تعسفه نزوه ..
و لو ضقت مما حصل في باطن بلادي -
.................ما صار بيني و بين اترابها جفوه ..
احبَها و انتشي في جوّها الهادي -
.................لو ان ما حاشت يدي من خيرها ثروه ..
مُجمل قناعاتي بدنياي و جْهادي -
...............تكبر بعيني ليا زاد الزمن قسوه ..
و ليا انشدوني وش آخر علم ب اعيادي -
............بقول : ركب البشاير مالها حروه .. !
يخالف الحظّ في ملفاه ميعادي -
...............لكنّي اقضي العمر و انا على الهقوه ..
.
.
رًآآقتْ لٍيْ جدآ جدآ .. /.. لٍلٍشًاعِرْ خَالدْ الدُوسريْ
المفضلات