وا حسرةعيني مابقى بالجسم حيل.......
--------------------------------------------------------------------------------
احياناً يمر الانسان بفتره من الملل حيث تضيق النفس في كل ماحولها من الاشياء.
(شرح الله صدوركم ويسر اموركم)
وانجح علاج لمثل هذه الحاله هو الاكثار من ذكر الله
(ألا بذكر الله تطمئن القلوب):
واحسرةعيني مابقى بالجسم حيل
ولابقـى بالعيـن دمـعٍ تهـلـه
ولابقى عزمٍ يساعد على الشيـل
عزمي تردى والخفايـف تفلـه
ولابقى وقتٍ نعـدل بـه الميـل
والنفس صارت كل شـيٍ تملـه
صارت تمل من السهر والتعاليل
وتمل من شوف الرموش المظله
وماعاد تبغى لابسات الخلاخيـل
ولاعاد له خلقٍ على شوف خلـه
ولاعاد له خلقٍ على القال والقيل
ملت سواليـف المخاليـق كلـه
ولاعاد له كيفٍ على البن والهيل
ولاتشتهي قرصٍ على جال ملـه
ولاعاد يعجبها السفر والتراحيـل
امن الوهن صارت تحب الأظلـه
امن اولٍ تسري على النجم بالليل
ومافيـه دربٍ بالخـلا ماتـدلـه
واليوم ماتشفق على شوفة السيل
حتى ولا شوف الربيـع بمحلـه
لولا الأمل في مابقى من مقابيـل
ملت مـن الدنيـا بدقـه وجلـه
ولولا صلاة الفجر بين الرجاجيل
تصير دنيا النفس سـودا مملـه
مالوم نفـسٍ عذبتهـا الغرابيـل
دنيـا تقلبهـا علـى كـل ملـه
تلوعها الدنيـا بكثـر البهاذيـل
والنفس ماتقوى على الظيـم لله
يارب صبرها على الظلم والويـل
يالله طلبتـك كـل عقـدٍ تحلـه
يارب وفقنـا لـدرب التساهيـل
يـارب خـل نفوسنـا مسفهلـه
يالله بحسن الخاتمه لاوفى الكيـل
يامحصي احساب الفلك والاهلـه
ألا بذكـر الله وكثـر التهالـيـل
تسلى النفوس وتجلي كل علـه
مما راق لي....
تحياتي___
المفضلات