قصيدة ابو القنص !!!
هذا القصيدة لشخص يقال له ( ابو القنص ) والقصة تقول انه كان له خمس عيال .. قدر الله عليه واخذ وداعته عياله الاربعه..
المسكين تبقاله ولد واحد اسمه فهد .. يحبه كثير ويخاف عليه .. وطلع ولده فهد يحب الصيد ومتولع بالصيد مثل ابوه ..
بيوم من الايام طلع ابو فهد لحاله للصيد وقال لام فهد خلي العيل بالدار ولا يطلع .. تعال يا فهد وخذ البارودة وغصب عن امك واطلع من الدار ..
وامه تنادي يا فهد ارجع يا ولد ارجع وفهد ما رجع وطلع للصيد .. وهو بالطريق لاقته حباري مد عليها ورماها وقعت اخذها على كتفه
وهو في الطريق ومن خوفه من ضربة الشمس طلع على راس رجم عالي واتبطح وفرد جنحان الطير على راسه وبالصدف والتقادير كان ابوه مار من هذيك المنطقة
ويوم طل والا هو يشوف هالطير على راس الرجم .. طلع بارودته واللي كان مسميها مغيظه ..
ومد على الطير ورماه وما يدري انه قتل ولده وما يدري ان ولده فهد تحت الطير .. يوم وصل عند الطير والا يشوف ولده فهد مقتول ويتخبط بدمه ..
وقف وصار يبكي واخذ ولد على كتفه وروح للبيت وقرر انه يقول قصيده يوجهها لنمر ابن عدوان .
هذا نمر بن عدوان شاعر معروف وزوجته وضحه متوفيه ويجوح وينوح عليها ..
وابو القنص قال القصيدة عشان يحط حزنه على حزن نمر ابن عدوان بالفاجعة اللي صارت :::
ياراكب الملحا لها الكور شدي = قم ياوليفي واعتلي فوق هياف
تسبق نسيم الريح يومن تمدي = واسرع من اللي بالسما ريشها ارداف
ودي تزور الهند والسند ودي = وتدور الدنيا من الكاف للكاف
ودي ل ابن عدوان مكتوب ودي = لنمر هلي للخطاطير وقاف
يانمر وين اللي بنى قصر جدي = وين الصحابه يانمر ين اهل كاف
وين السليم من النيا والتعدي = والبين ما لطم اخدوده ولا شاف
من قبل منك مرود العين صدي = والعين تذرف دمعها جواز وارداف
على جنين بأول العمر مدي = هو مهجتي يانمر من ورى القاف
صيده حباري والحر زايد بشدي = وناثر من الجنحان على الراس رفراف
كن لاحلي بالزول مثل المهدي = مشعل فتيله وناهظه بين الكتاف
علمي امغيظه ما تغالط بيدي = ثار الطلق من ثورته والقلب خاف
يومن نظرته وهدب عينه مندي = يخبط حمر من جوة القلب نساف
شلته بيدي والتقيته بزندي = ودمعي نزل من مقلة العين رشاف
وندهت بجنح الليل وقلت يام فهد = هيي لقدر مانشى البين باطراف
راحت ورجعتلي ومابه تحدي = وتقول عزراييل ماظن حدا عاف
الموت ما ينحاه كثر التفدي = يرميك لاونك على راس مشراف
وسلامتكم الف سلامه
رد مع اقتباس
المشاركة الأصلية كتبت بواسطة غلا الحجازي
المفضلات