يبقى الغـلا مـزروع مابيـن الاضـلاع
يكـبـر ويكـبـر لـيـن تـظـهـر مـواريــه
ويبقى الامل للوصل مجداف وشـراع
ويبقـى الـوفـا للـحـب اجـمـل حـواريـه
وتبقـى ظـروف الوقـت للعـذر شـمـاع
لا بــد مـــا تـظـهـر حقـيـقـة عـذاريــه
المقـبـلات اشـكـال وارنـــاق وانـــواع
يبيـن ليـل العيـد الـى جــت عصـاريـه
مـا كـل مـن شــاورت دلــك للاسـنـاع
تـتـيـه فـــي رايـــه وتـسـفـى ذواريـــه
من لا يعرف الجدي في بيدهـا ضـاع
يـهـيــم بـدروب(ن)تـشـتـت مـسـاريــه
لا تـنـجـم مـــا بـيــن شـــاري وبــيــاع
الـفـرق واضــح بـيـن بـايـع وشـاريــه
تـغـيـر جـبــال(ن)ولا تـغـيـر اطــبــاع
وهايب(ن)للعـبـد مــن فـضــل بـاريــه
من لا يحوش الطيب والمرجلـة جـاع
لـو يملـك كـنـوز الـذهـب مــا تـواريـه
اللـي يـبـي قـربـي ارحــب لــه بـسـاع
يـفـز قـلـبـي كـــل مـــا حـــل طـاريــه
فـز الهـدد لا شـاف لـه جـول ثـم فــاع
سـلـط علـيـهـن لـيــن بـانــت مـفـاريـه
لا تلـحـق المقـفـي ولــو قـلـبـك الـتــاع
خــلــه بـفـالــه لا تـجـيــك الـمـشـاريـه
الحـب مـا يبنـى علـى كـذب واخــداع
يطيح عرش الحب الى اومت سواريه
والـســر مـابـيـن المحـبـيـن الـــى ذاع
تـفـرح بــه وجـيـه العـفـن والمكـاريـه
الـلـي لـهــم بالـحـقـد رايـــه ومـفــزاع
مايسـتـريـح الا الــــى بــــان عــاريــه
بقلم /
الغامض الأسعدي
المفضلات