يخــــــــــون الـــود ..
كثير اللي يخون الود ويعني لو تخونيني
انا ادري ويش ضيعني شعوري وطيب نياتي ..
لعبتيها معايه صح عرفتي كيف تنهيني
عرفتي للاسف وشلون ابدأ في نهاياتي ..
تعالي واحسبي وياي .. كم مره جرحتيني
وربي ما عرفت ارتاح ويني وين راحاتي ..
اذا به جرح ناسيته جديد ولا هديتيني
وفيتي وحيل كفيتي تفننتي بصدماتي ..
تبين اضحك على نفسي واقول انك وحشتيني
صحيت وصار من حقي اراجع في حساباتي ..
وعدت وليتني ماجيت..... الله كم بهرتيني
طرت وكن هالعالم ولا شئ بمداراتي ..
همت بوقتها والناس مدري وينها وويني
مشيت لخاطر العشره لابعد من مسافاتي ..
خدعتيني تبين الصج انتي ما خدعتيني
انا اللي قلت لي كذبه امصدقها على شفاتي ..
وفيتي ما وفيتي لي تساوت كلها بعيني
دخيل الله خليني انا تعبان في ذاتي ..
فهمتيني لا والله ولا عمرك مافهمتيني
ولا تفرق معاي اليوم هاتي من الالم هاتي ..
كبيره حيل في حقي .. طفله ولعبت فيني
ولكن وش نقص او زاد غلطه في ملفاتي ..
خسرت وهذي الدنيا ويعني لو تخونيني
اجل بعدين كيف اربح لو ما احسب خساراتي ..!!
منقول
المفضلات