لكل عين باكيه لكل عين شاكيه لكل عين خانها الوفاء فليس لها الا الدمع عزاء ...
يا عين هلي دمع الأوجاع هليه
لا تدخرين دموع الأحزان يا عين
جرح بروحي كلما بان أخفيه
أخاف لا من بان سم الثعابين
أخاف جرح الروح الأيام تبديه
ثمن يصير الجرح بالروح جرحين
أخاف من شخص كثير المشاريه
حدة كلامه مثل روس السكاكين
الذنب من غيري وأنا مكتوي فيه
واللي دروا ما هم بالأسباب دارين
جرحي عطيب ولا لقى من يداويه
مرت عليه أيام وشهور وسنين
إن خف جرحي جددن سواقيه
حطم حشاي وفر وسط الشيانين
ما أنساه لا والله ما ني بناسيه
لا والذي نزل تبارك وياسين
لبيه يا دمع المظاليم لبيه
سيل تحدر والمخاليق منسين
ما هي غريبة صافي الدمع ترضيه
عاده ولكن دمعك اليوم كاوين
قال العذاب اللي مخفيه ما بيه
ما يجمع الهمين غير المجانين
إن زاد همك دمع عينك يطفيه
ولا تفجر وسط صدرك براكين
ياللي حشاه بزود الأحزان مشقيه
ترى المدامع طب جرح المساكين
كل المدامع هلي الدمع هليه
لا تدخرين دموع الأحزان يا عين
كلمات سمعتها ... واحببت ان اكتبها لكم .... طبعا بالصوت احلى بكتير ...
المفضلات